احساس نایاب
ایک دور تھا جب ڈاکٹرس کو خدا کے بعد کا درجہ دیا جاتا تھا، محض ان کی موجودگی سے ہی بیمار کو اطمینان ہوجاتا کیونکہ اُس وقت ڈاکٹرس کے ہاتھوں میں غیبی شفاء ہوا کرتی تھی ۔۔۔۔ لیکن افسوس آج انہیں ڈاکٹرس کے نام سے لوگ پریشان ہوجاتے ہیں، امیر ہو یا غریب ہر ایک کے پسینے چھوٹ جاتے ہیں ۔۔۔۔۔ اس کی وجہ ٹریٹمنٹ کے نام میں دی جانے والی مہنگی دوائیاں، بےجا ٹیسٹ اور آسمان چھوٹی بلس، جس کے بعد مریض کے ساتھ ساتھ اُس کے اہل خانہ کا بھی بلڈ پریشر ہائی ، شوگر لیول لو ہوجاتا ہے ۔۔۔۔۔ ایسے میں بیچارا انسان کرے بھی تو کیا کرے مجبوراً خود کو اور اپنے عزیز و اقارب کو ان سفید قصائیوں کے حوالے کرنا پڑتا ہے بھلے جیب کٹے یا گلا ۔
دراصل چھوٹی ڈسپنسریز ، کلینکس سے لے کر بڑے سے بڑے نامور ہاسپٹلس میں بھی کھُلے عام لوٹ مچی ہوئی ہے، نت نئی، عجیب و غریب بیماریوں کا ڈر دکھاکر مریضوں کی جیب پر دن دھاڑے ڈاکہ ڈالا جارہا ہے ۔
افسوس کہ سب کچھ جانتے بوجھتے ہمارے یہاں سوال کرنے ، اس دھاندلی کو روکنے کے لئے نہ سرکار کچھ کرتی ہے نہ انتظامیہ کی جانب سے جانچ کیا جاتا ہے نہ ہی کوئی تنظیم ، این جی اوس اس کے خلاف حرکت میں آتے ہیں اور نہ ہی تعلیم یافتہ کہلانے والے باشعور لیکن متاثرہ افراد اس پہ آواز اٹھاتے ہیں، کیونکہ یہ حالات کسی مخصوص طبقہ تک محدود نہیں ہیں بلکہ ہرعام و خواص اس کی لپیٹ میں ہے ، چاہے وہ پولس ، وکلاء ہوں یا صحافی ہر کسی کی علاج کے بہانے کبھی نہ کبھی جیب ضرور کٹی ہے،ایسے میں غرباء ، یتیم و مجبور لوگوں کو دھوکہ دے کر آئے دن ان کی کڈنی نکال لی جاتی ہے ۔
یوں تو 99 فیصد مریض بیماری سے مکمل صحت یابی کی تمنا لئے ہاسپٹلس کا رُخ کرتے ہیں اور ڈاکٹرس سے یہ امید کرتے ہیں کہ وہ بہتر علاج کے ذریعہ ان کے درد ، تکلیف کو دور کرینگے جبکہ یہاں پہ چند ڈاکٹرس کے بھیس میں پیشہ ور دلال بیٹھے ہیں جو لیبس سے لے کر میڈیکل شاپس تک ہر جگہ اپنا کمیشن طئے کئیے ہوتے ہیں ، ایک دن میں اتنے مریضوں ( پیشنٹس ) کو فلاں فلاں ٹیسٹ اور دوائیوں کے اعوض یہ ضمیر فروش اپنی تجوریاں بھرنے میں مشغول ہیں کئی ڈاکٹرس ایسے بھی ہیں جو سرکاری ہاسپٹلس میں ڈیوٹی کرتے ہوئے اپنی الگ سے ذاتی ڈسپنسری چلاتے ہیں تاکہ وہاں پہ وہ مریضوں سے اور زیادہ رقم وصول سکیں ایک تو سرکاری نوکری میں رہ کر لاکھوں کی تنخواہ، دوسری طرف ذاتی کلینک کی آمدنی ، یوں لگتا ہے مانو ہندوستان کی خستہ زبوری کے باوجود اگر کسی کے دونوں ہاتھ گھی میں ہیں تو وہ سیاستدانوں کے ساتھ ساتھ ان لالچی ڈاکٹرس کے ہیں ۔
دراصل ان ضمیر فروش ڈاکٹرز نے اپنے اس مقدس پیشے کو محض تجارت ، پیسہ کمانے کا ذریعہ بنارکھا ہے ، ان کے ہاتھوں میں مریض محض اے ٹی ایم کارڈ بن چکا ہے ، جسے جب چاہو خودی سے ایجاد شدہ بیماری کا ڈر دکھا کر اسکریچ کرلو ، بھلے یہ مجبور ان لمبی چوڑی بلس کی ادائگی کے خاطر اپنا گھر ، جائداد بیچ دیں یا صحت مند زندگی کی چاہت لئے قرض کے بوجھ میں دب کر مرجائیں ، ان ظالموں کو تو ان کے حال پہ ذرہ برابر بھی ترس نہیں آتا ۔
یہ تو اپنا ایمان ، دھرم ، انسانیت سب کچھ بھول چکے ہیں نہ انہیں اپنے پیشہ کا فرض یاد ہے نہ ہی ذمہ داری ۔۔۔۔۔ یہ تو ڈاکٹری پیشے پہ بدنما داغ ہیں ۔۔۔۔ ان کی نظر میں مریض کسی شکار سے کم نہیں اس لئے یہ ہمیشہ ایک نئے شکار کے انتظار مین گدھ کی طرح نظریں جمائے رہتے ہیں اور جب کوئی بدنصیب معمولی سی تکلیف لے کر بھی ان کے پاس آتا ہے تو یہ اُس کو بلاوجہ غیر ضروری ٹیسٹ ، اسکینگس کرواکر, ہزاروں کی میڈیسن کھلواکر طویل ٹریٹمنٹ کے دوران اس سے لاکھوں کا پیسہ لے سکیں ، آج ایک 3 اسٹار ہوٹل کا کمرہ بھی 3 سے 4 ہزار روپیہ میں باآسانی مل جاتا ہے لیکن ہاسپٹلس میں 2 ہاتھ جتنے کمرے کا کرایا 2 سے 5 ہزار ہے ، یہاں تک کہ راستے کے کنارے بیڈس لگاکر، بیڈ کے آس پاس پردے باندھ کر اس کو آئی سی یو کا نام دے دیا جاتا ہے ۔
کمینے پن کی انتہاء تو تب ہوتی ہے جب زندہ انسانوں کے ساتھ ساتھ مردہ جسموں کو بھی نہیں بخشا جاتا، انہیں بھی دو دنوں تک وینٹلیٹر پہ لیٹا کر آکسیجن ماسک لگانے کا ڈرامہ کرتے ہوئے اہل خانہ کی آنکھون میں دھول جھونکا جاتا ہے ، اتنا ہی نہیں ان میں چند ایسے کم ظرف جلاد قسم کے ڈاکٹرس بھی موجود ہیں جو جسمانی اعضاء کی اسمگلنگ کرتے ہیں ، نوزائدہ بچوں کو بھی غائب کروادیتے ہیں۔۔۔ انہیں نہ اُس ماں پہ ترس آتا ہے نہ معصوم بچوں پہ ۔۔۔۔ اکثر یہ بھی دیکھا گیا ہے کہ کیسے پیروں پہ چل کر آئے انسان کا جنازہ نکلتا ہے ۔۔۔۔۔۔ جس کا ثبوت 12 ماہ کا وہ معصوم ہے جس کو آج ہم سے چھین لیا گیا ۔۔۔۔۔۔۔ آج سے دو ڈھائی سال قبل جب واکر میں کھیلتے ہوئے 12 ماہ کے فرحان ( نام تبدیل ) کو پیر میں معمولی سی موچ آگئی، پریشان والدین اپنے لاڈلے کو لے کر ڈاکٹر کے پاس پہنچے ، یہاں سے بہانہ بناکر علاج کا کھیل کھیلا گیا ، پہلے تو مہنگے اسکینگس نکلوائے گئے، کئی طرح کے ٹیسٹس کروائے گئے اور آخر میں ڈرے سمہے مجبور والدین کی آنکھوں کے آگے اُس ننھی سی جان اُن کے لخت جگر کا آپریشن کیا گیا یہ کہہ کر کہ آپریشن نہ کیا گیا تو بچہ زندگی بھر کے لئے مفلوج ہوجائے گا ، بیچارے ماں باپ اپنے لخت جگر کو تندرست دیکھنے کی چاہت میں ڈاکٹرس کے حوالے کردیا لیکن افسوس آپریشن کے درمیان ہی وہ معصوم پھول ہمیشہ کے لئے مُرجھا گیا، جس کے بعد ان ظالم جلادوں نے اُس معصوم کے جسم کو کمائی کا ذریعہ بنالیا ، والدین سے بچے کے مرنے کی بات چھپاکر مزید دو دنوں تک اُس ننھے بےجان جسم کو وینٹلیٹر پہ لیٹاکر آکسیجن ماسک لگاکر علاج کا ڈرامہ کیا گیا ۔۔۔۔۔ لیکن جب بچے کے اہل خانہ کو شک ہونے لگا تو مان باپ سے موٹی رقم وصول کر بچے کے بےجان جسم کو اُن کے حوالے کیا گیا ۔۔۔۔ اُس وقت تک اُن بدنصیب مان باپ کے پاس نہ ان کا سرمایہ بچا تھا نہ ہی اُن کی دولت اُن کی اولاد ۔۔۔۔۔ آج بھی وہ بدنصیب ماں خالی آنچل پھیلائے اپنے لخت جگر کے لئے ترستی ہے ، بلک بلک کر آنسو بہاتی رہی ۔
آج کچھ یہی کیفیت 3 ننھے پھولوں کی ہے جن کی ماں تقریبا 20، 25 دنوں سے ہاسپٹل کی آئی سی یو میں بمشکل سانیسیں لے رہی ہے۔ جی ہاں 26 سالہ مہناز ( نام تبدیل ) جن کے شوہر غریب مزدور ہیں، غربت بھری زندگی ، اُس پہ بیوی کی بیماری ، 3 معصوم بچوں کی ذمہ داری ، جن میں بڑا بچہ 4 سال ، منجھلہ 2 سال اور سب سے چھوٹا پھول محض دیڑھ ماہ کا ہے ۔
شہر کے میگھن ہاسپٹل یعنی ( گورنمنٹ ہاسپٹل ) میں تیسرے بچے کی پہدائش ( ڈلیوری ) کے بعد اچانک مہناز کی طبیعت بگڑ گئی، جلد میگھن ہاسپٹل لے جایا گیا لیکن وہاں مریض کو داخلہ دینے سے انکار کردیا گیا، گھبرائے ہوئے اہل خانہ مریضہ کو ننجپا ہاسپٹل لے گئے وہاں بھی ایڈمٹ کرنے سے انکار کردیا گیا ، اُس وقت انہین مجبورا شہر کی نامور ہاسپٹل میں ایڈمٹ کرنا پڑا جہاں مریضہ کے شوہر سے دن میں کم از کم 15 سے 20 ہزار کی دوائی منگوائی جارہی ہے، جس کی وجہ سے 15 دنوں میں تقریباً 3 لاکھ صرف دوائیوں کے ہوچکے ہیں , اُس پہ نومبر 19 تک کی بل 2 لاکھ 50 ہزار ڈھائی لاکھ کی بل بن چکی ہے، جبکہ انہونے قرضہ ، چندہ وغیرہ مانگ کر پہلے ہی 90 ہزار بھرتی کرواچکے ہیں , اُس پہ 19 تاریخ سے لے کر آج جب ہم اس مضمون کو لکھ رہے ہیں ناجانے کتنی بل بنائی گئی ہوگی ؟
ایک غریب انسان جو ہردن کولی مزدوری کرکے مشکل سے اپنی بیوی بچوں کا پیٹ بھرتا ہے، ایسا شخص آخر کیسے اتنی بڑی رقم کا انتظام کرپائے گا ، جبکہ اتنے دنوں کے علاج کے دوران مریضہ کی حالت میں تھوڑا بھی سدھار نہیں آیا ہے، یہاں تک کہ ڈاکٹرس بگڑتی حالت کی اصل وجہ جاننے میں ناکام ثابت ہوئے ہیں ، کبھی ہارٹ پرابلم کہتے ہیں تو کبھی کڈنی ، کبھی اسٹروک کہتے ہیں تو کبھی نمونیہ، اسی طرح کبھی کچھ تو کبھی کچھ ، اب تو مریضہ کی حالت اتنی نازک ہے کہ سانس بھی مشکل سے لے رہی ہے ۔۔۔۔۔ایسے میں وہ معصوم جس کو مان کی گود میں کلکاریان لینی تھیں ، سینے سے لگ کر محبت بھرا لمس محسوس کرنا تھا آج وہ پھول اوروں کے سہارے جی رہا ہے ، ان تینوں بچوں کو نہ ماں کا دلار مل رہا ہے نہ والد کی شفقت نصیب ہورہی ہے، کیونکہ بیچارہ باپ بیوی کی بیماری سے ٹوٹ چکا ہے اُس پہ علاج کی رقم کا انتظام کرنا اُس کے لئے پہاڑ کھُودنے سے کم نہیں ۔۔۔ اللہ سبحان تعالی سے دعا ہے ہر ماں و ہر اولاد کو صحت کاملہ عطا فرمائیں اور ہر بچے پہ ماں کا سایہ ہمیشہ سلامت رکھیں. ، آمین
یہان اس مضمون کو لکھنے کا مقصد امداد یا دعا کی درخواست نہیں ہے بلکہ ایسے لالچی ڈاکڑس اور اُن ہاسپٹلس کے خلاف سخت کاروائی کرنی ضروری ہے ، کیونکہ اس طرح کے واقعات کسی ایک ریاست ، شہر یا گھر کے نہیں ہیں بلکہ دو میں سے ایک گھر پہ اس طرح کے حالات پیش آتے ہیں ۔
جیسے حال ہی میں بہار کے فاطمہ نامی ہاسپٹل میں ایک واقعہ پیش آیا ہے ، جہان محض 6 ماہ کی بچی کو نمونیہ ہونے کی وجہ سے آئی سی یو مین رکھا گیا اور اہل خانہ کو آئی سی یو کے باہر بھیج دیا گیا ، اندر نرس کے ساتھ دیگر املا موجود تھا اچانک بچی کی زور زور سے رونے کی آواز آئی ماں آئی سی یو کے قریب آئیں تو اُنہیں باہر سے ہی روک دیا گیا، لیکن لگاتار رونے کی آواز سُن کر ماں سے برداشت نہ ہوا اور وہ زبردستی آئی سی یو کے اندر داخل ہوگئیں اُن کے ساتھ اُن کی نند بھی موجود تھین ، جیسے ہی دونوں کی نظر بچی پہ پڑی تو کچھ پل کے لئے اُن کے وجود پہ لرزا طاری ہوگیا کیونکہ بچی کے چہرے ، ہاتھوں پہ دانتون کے نشان بنے ہوئے تھے اور ننھے سے ہاتھ پہ جاہلانہ طریقہ سے سوئی چبھائی گئی تھیں ، اس کے علاوہ ہاسپتل کا کمپاؤنڈر نشے کی حالت میں بچی کا گلا دبا رہا تھا ، چہرے اور ہاتھوں پہ جو دانتوں کے نشان بنے تھے وہ بِھی اسی کمپاؤنڈر کے تھے ، گھبرائی ہوئی ماں نے فورا اپنی بچی کو چھین لیا ، دوڑتی ہوئی آئی سی یو کے باہر نکل آئی اور ڈاکٹر سے کمپلینٹ کرنے کی کوشش کی ، مگر افسوس ڈاکٹر غیر ذمہ دارانہ طور پہ فورا بچی کو ڈسچارج کرتے ہوئے علاج کرنے سے منع کردیا ، ساتھ ہی کمپاؤنڈر کی حرکت پہ معافی مانگنے کے بجائے اپنا پلہ جھاڑ لیا ۔
یہان پہ کئی سوالات کھڑے ہوتے ہیں کہ ،آخر ہاسپٹلس مینجمینٹ، وہاں کا عملہ اتنا غیر ذمہ دار کیسے ہوسکتا ہے ؟ اور اُس وقت وہاں پہ لگے سی سی ٹی وی فوٹیج کیسے اور کس نے غائب کردی ؟ اسٹاف کو اپائنٹ کرتے وقت پولس ویریفکیشن کیوں نہیں کی جاتی ؟ جبکہ کئ ہاسپٹلس سے بچون کی چوری اور خواتین کی عصمت دری کے واقعات سننے میں آتے ہین باوجود اتنی لاپرواہی کیوں ؟
ایسے میں سرکار اور انتظامیہ کو چاہئے جو ڈاکٹرس سرکاری ہاسپٹل میں ڈیوٹی کرتے ہوئے اپنی ذاتی کلینگ چلارہے ہیں اور جن ہاسپٹلس میں اس طرح کی دھاندلی مچی ہوئی ہے اُن پہ روک لگائیں یا ان کا لائسنس ضبط کیا جائے ۔
اور یہان پہ ایسے معملات میں عوام کو بھی آگے آنا چاہئیے ، اپنے یا اپنے آس پڑوس ، دوست احباب کے ساتھ ہونے والی ناانصافیون ، ظلم و زیادتیوں کے بارے میں کھُل کر بات کرنی چاہیے۔
کیونکہ چند گندی مچھلیوں نے اس مقدس پیشہ کو بدنام کررکھا ہے اگر جلد ان سفید جلادوں کا علاج نہ کیا گیا تو لوگوں کا پوری ڈاکٹرس برادری کے اوپر سے اعتماد آٹھ جائے گا جو ہر ایک کے لئے نقصاندہ ہوگا کیونکہ دوران علاج ایک مریض آور ڈاکٹر کی باؤنڈنگ بہت معنی رکھتی ہے, دوائی سے زیادہ اثر دار مریض کا ڈاکٹر پہ اعتماد ہوتا ہے اور ڈاکٹر کا اپنے مریض سے مخلص ہونا ، ورنہ دوسری زندگی دینے والے ڈاکٹر کو یمراج بنتے دیر نہیں لگتی ۔
’احساس نایاب‘ بصیرت آن لائن کے گوشہ خواتین کی ایڈیٹر ہیں
