محمد علی جوہر یونیورسٹی کی جانب سے آن لائن پانچ روزہ فیکلٹی ڈیولپمنٹ پروگرام کا انعقاد کیا گیا۔ جس میں ہندوستان کے مختلف یونیورسٹی کے ماہرین و دانشوران ہر روز مرکزی موضوع کے تحت خطاب کررہے تھے۔آج کے پہلے سیشن کی مقررہ ڈاکٹر زینب سروررہیں جو کہ علی گڑھ مسلم یونیورسٹی کے انگلش ڈیپارٹمنٹ میں بحیثیت پروفیسرتدریسی فرائض انجام دے رہی ہیں۔ اور دوسرے سیشن کے مقررڈاکٹر ساجد جمال رہے جو کہ علی گڑھ مسلم یونیورسٹی میں ایجوکیشن ڈیپارٹمنٹ میں بحیثیت پروفیسر فائز ہیں۔
پروگرام کے پہلے سیشن کا آغازکوشاگراشریواستو نے ڈاکٹر زینب سرور کا پر زور استقبال کرتے ہوئے کیا اور ان کوخطاب کے لئے مدعو کیا
ڈاکٹر زینب سرور نے Interpersonal skills پر روشنی ڈالتے ہوئے بتایا کہ کس اندازسے ہم اپنی نظریہ بہترین طریقہ سے دوسروں کے سامنے رکھ سکتے ہیں۔اور دوسروں کو اپنا قائل کرسکتے ہیں۔اس کے ساتھ ہی انہوں نے منطقی اصول پر بھی روشنی ڈالی۔
پروگرام کے دوسرے سیشن میں ڈاکٹر ساجد جمال نے اپنے موضوع communication skills for being a good teacher پر تبصرہ کرتے ہوئے بتایا کہ ایک معلم کے لئے مؤثر گفتگو کس قدر اہم ہے انہوں نے بتایا کہ کس انداز سے ہم اپنی معلومات موثر انداز سے طلباء تک منتقل کرسکتے ہیں۔مزید اس پر زور دیا کوطلباء کی ذہنی استعداد سے بخوبی واقف ہوناایک کامیاب معلم کے لئے ازحد لازمی ہے
اس کے بعد اس پانچ روزہ بین الاقوامی فیکلٹی ڈیولپمنٹ پروگرام کی اختتامی مراحل میں یونیورسٹی کے وائس چانسلر پروفیسر سلطان محمد خان نے اس تقریب کے بارے میں اپنے خوشگوارتاثرات کا اظہار کیا۔ بعد ازاں مہمان خصوصی جی جی جی آئی انبالہ، ہریانہ سے پروفیسر آر آر آزاد نے تمام مقررین کی تعریف کی اور پروگرام کے منظم اور بہتر انداز سے اختتام پذیر ہونے پر سبھی کو مبارکباد دی۔. بعد ازاں IQACکو آرڈینیٹرراجیش یادو نے پروگرام پر اپنے تاثرات کا اظہار کیا۔اس کے بعدآرگنائزنگ سیکریٹری ماہرہ اخلاق نے تمام مقررین اور شرکاء کا شکریہ ادا کیا۔اور پروگرام کے کامیابی کے ساتھ اختتام پذیر ہونے پر مسرت کا اظہار کیا
اس موقع پر کنوینر رابعہ خان آرگنائزنگ ٹیم کے ممبران کوشاگرا شریواستو، ڈاکٹر عبدالوہاب، ڈاکٹر راحین شمع اور انا انجم شریک رہے اور مشاورتی پینل کے ممبران اکبر مسعود، ڈاکٹر گلریز نظامی، سابق صدر شعبہ اردو گورنمنٹ رضا پی جی کالج پروفیسر حسن احمد نظامی، سابق پروفیسر شعبہ انگریزی گورنمنٹ رضا پی جی کالج پروفیسر روبی خان صدیقی، ڈاکٹر پلکت اگروال،انتخاب ندیم خان اوردیگر اہم اشخاص موجود رہے –
